المشاركة الأصلية كتبت بواسطة سداح
ماشاء الله تبارك الوهاب
ولا قوة الا بالله العلي العظيم
هذا الشبل ارسل لي رسالة خاصة قبل ايام كنت اظنه يمزح عندما ذكر لي في بداية رسالته ان عمره 13 سنه
أسند هجينية جميله تشرفت بها
وبعيدا عن ( مدحه المتعدّي ) الله يسلمه ويطول عمره على الطاعه .. لمست في ابياته الموهبه الحقيقة ماشاء الله عليه
هاجوسي اليـوم برقـه لاح
ماغيـر يصتـاد قيفـانـه
اقول وش جاء ووشهو راح
والبيـت يثبـت بسيسانـه
لجل القصيده تجيها اربـاح
لكن عـان الخبـر عانـه
سلام منـي علـى سـداح
الي علـى الشعـر ميدانـه
شعره مغطى ذهب ووشـاح
ومرفـوع مقـداره وشانـه
لوا طاحوا اهل الوفى ماطاح
شاعر وله فالشعـر خانـه
محبوب للأخـو والمنـزاح
حتى بعـد عنـد عدوانـه
وانا قبـل مانـي بمرتـاح
إليـن غنيـت مـن شانـه
وانكان مارد هـو ماطـاح
وان رد صـح الله السانـه
هو اللي صح لسانه مدد بلا عدد
أسال الله له التوفيق والسداد
ويستحق الشبل العزيز هذا الموضوع المستقل ،
اصدق التحيه له
والشكر لك يا بومبارك ،،
..
أخوي الغالي سداح
كلامك هذا دفعه معنويه وشهادة يستحقها
وشكراً لك على كل حرف سطرته هنا
وننتظر ردكـ المهم 