السلام عليكم ورحمة الله وبركاته


الله يسعد جميع اوقاتكم




[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عندي على بعض المواضيع احتجاج=وماني بساكت لي لسان ولي حقوق
واسف لو اسبب للاحباب انزعاج=لكن ابي الغافل من الغفله يفوق
الى متى نشرب من العد الهماج=وقراحنا هداج لكن ما نذوق
والى متى نبحث للازمات انفراج=ويبقى ليمتنا تحت والا الغير فوق
ارزاقنا تعرض على سوق الحراج=وتوخذ بلاش ومن نوى البوقه يبوق
الكنز لا من صار حصنه من زجاج=ولا يحوفه لا عفيف ولا صدوق
يحط من دونه ثمانمية سياج=ويمد بيب ويشفط وينشق نشوق
الضرب في العلبا ومن فوق الحجاج=ولا سلم غير المنافق والسروق
تخاشر التجار واصحاب الخراج=وتقطعت الايدين من ربط الحلوق
باسبابهم ربي كثحنا بالعجاج=وقطر المطر مقطوع والرزق مخنوق
وزاد الغلا حتى وصل سوق النعاج=وربا الربا حتى غدا للناس طوق
توبوا وعفوا يا موزعة النتاج=وخافوا من الله في الغروب وفي الشروق
زكوا زكاة اموالكم فيها علاج=والصدق ينجيكم ويبري كل عوق
شوفوا ذوي الحاجه وسدوا الاحتياج=وساووا الاوادم لا تزيدون الفروق
اكبر جريمه ترتكب صعق الدجاج=ماهي جريمة منع الانثى لا تسوق !![/poem]