[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
يا قلب لو ماتت الاحلام بعيوني = ربك كريمٍ عسا ربك يعوضهآ
لا لا تضايق لو انه اختلف لوني = بكره صدوف الليال ايشيب عارضهآ
انا ادري انك من الصدمات مشحوني = والوقت كل المصايب فيك فارضهآ
لا شك قدرك بوسط العين مصيوني = ما تهيّبك عالم هيبتك نافضهآ
ياقلب وان ناظرك بالعين مضنوني = قله عهود المحبه حفظ حافظهآ
والله ما انساه لو ربعي تناسوني = جنحان ودي لاجل عينيه خافضهآ
اصد عن سيّته وآقول ممنوني = وانا عيوني من التجريح اغمضهآ
ضاقت علي الوسيعه من عظم كوني = ازريت من صدمتي رجلَيْ لانهضهآ
مايدري ان الهوى كافر وملعوني = كم قلب يحكم وكم نفسٍ يروضهآ
مايدري الناس في طاريه يحيوني = لامت من سكرة البعد وعوارضهآ
الله حسيبه بكيت وفاضت شجوني = ماغيره اللي دموع العين حرضهآ
يا قلب وان جولك الاحلام ينعوني = اشّر على اللي برا حالي ومرضهآ
ياقلب قله يساوي بالغلا عيوني = تحرم علي دنيةٍ دونه افاوضهآ ![/poem]
|