قصيدة بمناسبة سلامة سيدي
صاحب السمو الملكي الأمير / محمد بن نايف بت عبدالعزيز
مساعد وزير الداخلية للشؤون الامنية من الأعتداء الغاشم


للشاعر الكبير / عبدالله بن نايف بن عون


( استطعت الحصول عليها منه شخصياً ليلة البارح لأجعل بدايه انطلاقها من منتديات المرقاب الادبيه )






[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ليا دير فنجال الدلال المباهير=في مجلسٍ روس الرجال احضرتْبه
يستاهل الفنجال الأول ليا دير=شيخٍ نبيلات المواقف زهتْبه
النائب الثاني مهابه وتكبير=رحبت به والمملكه رحبتْبه
وهجيت باب مسجنات التعابير=للشعب والراس الكبير ابتدتْبه
باسما التهاني والفرح والتباشير=ومادار بأفكاري وماهوجستْبه
ازفها لك ياحبيب الجماهير=على سلامة من صفاتك سمتْبه
زيزوم الأمن اللي فعوله مشاهير=مواقفه يم الثريا رقتْبه
ماخاب ظنك فيه من توه إصغير=ماجاه منك من الدروس اثمرتْبه
لو هو لحق هاك السنين المدابير=فاز بلقب خيال من قربتْبه
المملكه من حد الأردن لخرخير=تحيزمت بك والأمان إشعرتْبه
يسلم لنا راسٍ يقود المغاوير=شيخٍ على ممشاك رجله مشتْبه
شيخٍ وقف للملكه وقفة الزير=ولاخاب فيه الظن يوم اعتزتْبه
ضيّق على اصحاب الظلال المعابير=اللي تبنت منهجٍ ما افلحتْبه
شرذمةٍ تخلف ضعاف التفاكير=كم جاهلٍ بأفكارها غررتْبه
ترسم له الخطه على غير تبصير=وماراح راحتبه ولاعودتبه
مثل الفيوز ايقص من دون تبرير=هو ماسلم منها وهي مااعتنتبه
ياللي زرعت زراعةٍ نوعها غير=اقطف ثمر محصولها اللي نبتْبه
عقب افتدتبك دون ستر الغنادير=اللي تبي تذبح به الناس متْبه
وألا ولد نايف طويل الأشابير=نيّه عدو الدين عنه إقصرتبه
وانجاه ربي من جميع العواثير=والنيّه البيضاء على مانوتْبه
[/poem]


عبدالله بن نايف بن عون

ҳҲҳ لا شيء..! ҳҲҳ