أحبتي في المرقاب الراقي
السلام عليكم ورحمة الله وبركاته وكل عام وانتم بخير
بمشاعر الفرح والإمتنان لله سبحانه وتعالى بسلامة الأمير محمد بن نايف
وبمشاعرالفخر بمواقفه مع الفئة الضّاله وسمو تعامله معهم
كانت هذه الأبيات :

[poem=font="Simplified Arabic,6,white,normal,normal" bkcolor="transparent" bkimage="backgrounds/37.gif" border="none,4,gray" type=2 line=0 align=center use=ex num="0,black""]
سجّل يابن نايف ووضّح للأجيال=معنى الشجاعه والكرم والبطوله
وإن الوطن غالي ومن دونه رجال=أرواحهم فوق الكفوف امحموله
واشرح لهم لاصكّت الجال بالجال=كيف الرجل يسمو بفعله وقوله
أنا اشهد إنّك جيت من ظهررجّال=النايف اللي فوق ماحداً يطوله
حطّيت لك في قمّة المجد منزال=نلت الذي ماغيرك احداً ينوله
ماهي غريبه وانت من نسل الابطال=في كل صفحه من سجلّك بطوله
دولة هل التوحيد في كل الاحوال=ربي مشرّها على كل دوله
لكن لاتأمن خبيثين الافعال=الغدر من طبع الكلاب الختوله
[/poem]

ثنتين ماتخضع لتدقيق وحسـاب
لنّ السعودي حطّها في حسابـه

الأوّله دستورنا شـرع وكتـاب
نمشي على نهج النبي والصحابه

والثانيه حب الوطن قبل الاحباب
مكتوب في قلب السعودي كتابـه

لامن خذا يومين في دار الاجناب
ما يهتنـي حتـى يقبّـل ترابـه