|
مشاركتي في المسابقة الكبرى { سلامة سلطان }
[poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تشعّي ياعيوني وين ماهبت هبوب النود = ما والله تشتكين الضيم والعزوه سعوديه
سعوديين من ديرة ابو متعب وآل سعود = ليا كلٍ تفاخر في وطنْه وفي عزاويّه
تحت راية هل العوجاء على شرع الله المعبود = ولاة امورنا في سلم ولا في ضحى الهيه
وحنا معهم ومعهم الى يوم الله الموعود = ولانا من ولى جداننا مانخلف النيه
نضيق ان ضاقو ونجعل عمار الشامخه مهدود = ونفرح من فرحهم كل صبح وكل عصريه
وضقنا يوم سلطان الكرم عن البلد مفقود = وطبنا يوم طاب ويوم بِشرنا على الجيه
هذا سلطان ابن عبد العزيز اكبر من المقصود = عجز عن وصف وصفه كل وزن وكل قافيّه
عمى عين الحسود وداحر الملعون والمقرود = سَعَد عين الفقير اللي دعى له كل عيديه
مخلي كل صعبه بإذن واليها سهود مهود = ليا عزّم عليها ماتعوقه هذي وذيّه
سليل المجد..ابو خالد..ذرى الخايف..زعيم الجود = ذرى اللي عن لهيب صدوفها ماحصل الفيه
ليا شانت عواقبها وكبْرت قال انا موجود = بحيل الله لاخلي كل حسْنه تبطل السيّه
كثر ماهو يمد العون للمحتاج والمضهود = بنا شِرْكات طبيه وفكريه وخيريه
خطاك السوّ ياعوق السوّ على الله للبلاد تعود = وتفرح في مجيك من الجنوب الى الشماليه
ترى كل الوطن يرقبْ من الشايب الى المولود = وحتى الارض تنشد عن خطاويّك متى الجيه ![/poem]
|