مشاركتي في مسابقة المرقاب بسلامة سلطان الخير

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]

ياموطن الأسلام ياخير الأوطان =يامنبع الأيمان ديرة رسوله
غالي وحبّك مايقدّر بالاثمان = هذا الصحيح وكل مدرك يقوله
الله تفضّل فوقنا بأمن وايمان = في دولة ٍماهي مثل أيّ دوله
حكامها تحكم بسنّه وقرآن = وألهم على أهل الظلم صوله وجوله
والشعب مخلص للقياده ولاخان = مضرب مثل فالتضحيه والرجوله
(واللي يخالف ) قدمه السيف شامان = لابدّ ماراسه يثالث رجوله
لين استتب الأمن وأصبح لها شان = وحازت على تاج الشرف والبطوله
ماباقي الاّ عودة الخير سلطان = كل الوطن والشعب ينطر وصوله
في غيبته غاب الفرح والزمن شان= يوم ٍ مضى واليوم قد دار حوله
متى يجي راع المكارم والأحسان = اللي على قوله تبرهن فعوله
ابو اليتامى والفقارى (والأنسان) = اللي يغيث اقلوبهم لن عنوله
ماقدّم ألهم صار شاهد للاعيان = وبذل من اجل اسعادهم فالسيوله
من جود كفّه يشبه ألـ / غرّ الأمزان = نو ٍ على المحتاج يرخي ثعوله
كفالة أيتام ورواتب وأسكان = وخير ٍ يعمّ الدار عرضه وطوله
(الله يحفظك ياوطنّا ) ولاهان = من يرتكي وقت الطلب للحموله
[/poem]