ارجوا ان تصل المشاعر





[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
على الله ياوطن عزّك على مر الزمان يدوم=تعلّى فوق هامات السحاب ورفْرف لحالك
مدام المُلك لله ثم عبدالله زعيم القوم=تبا تبطي ورآيات الشّرف من جالك لجالك
على بطْشة يمين/وكحل عين/وشاربن مدقوم=يبا يمسي عليها من نواك بشرّ(ن) وجالك
وحنّا مانساوم في ولانا لو يزود السوم=كأنّك ياوطن شايب وحنّا اصغر عيالك
تربينا على قمع التطرف والقلوب تشوم=عن افكار التطرف والغلوّ وموتة الهالك
نعرف ان الوطن حاجه كبيره والحياه سلوم =ونقول لمن تفول فيه فال الله ولافالك
وانا من مدّتن كنّي عقيم و بشّروه بتوم=على شوفك يبو خالد بعد مازانت أحوالك
بعد ماسلّمك ربي عيوني تهتني بالنوم=وقلبن يحتري شوفك / وروحن ترْقب وصالك
لأنّك كوم يالشامخ وكل الشامخين بكوم=نبا نبطي على الدنيا نهيم ونذكر إخصالك
يكفيني بأني من عرفت اسمك ولين اليوم=عرفت انّك يبو خالد تظل الناس بظلالك
كريم وكفّك الأيمن عليه من الجزال وسوم=وأذا تقصر حبال الناس / ابد ماتقصر حبالك
طموحك فالحياة انّك تفرّج ضيْقة المهموم=وضحكات اليتاما والارآمل اصغر اعمالك
نشوف ابك السعادة لا فرح من عطفك المحروم=جبينك ذايعن صيت / وجبين العز يندالك
هذا كلّه ليامنك جلست / وكيف لو اتقوم=تصير الناس في كفّه / وانت لحالك لحالك


[/poem]

ҳҲҳ لا شيء..! ҳҲҳ