|
مصافحه أولى
ياقصيدي وأنت لك عندي جلال وقيمه
وعند من يفقه جزال الشعر قدرك عالي
صاحبك لو العدى تسعى ورى تحطيمه
والله ليا يبطي عدوي مايضيق بالي
وشاعر المليون لو ماجازني تحكيمه
قد ظلم قبلي رجال الشعر قبل وتالي
ويابري حالي على صوت الرعد بالغيمه
والربيع وشوفت البل والمطر همالي
والدلال اتفوح حول الشاي أبو تلقيمه
في حظور أهل المكارم طيبين الفالي
أهل الأخلاق وأهل الدين وأهل الشيمه
وفالزوم يجملون ويرخصون الغالي
مايعرفون النقيلي سينه ولاجيمه
حدهم عذب القصص والطرق والموالي
يابعد جو الدوام مسبب التكتيمه
بين ضوضاء المدن وشاهد العمالي
والعمر ماكنه إلا ركعه وتسليمه
يعتبر فية عصر لو كان عمره طالي
ويالله إن الأمن والخير العميم اتديمه
في ذرى المليك أبو عريب الخالي
لا تذكر الذكريات ولا تذكرني=الذكريات القديمه سبت أمراضي
أبكي على أطلالها والشوق ينحرني=مع إني أعلم لايمكن يرجع الماضي
|