بسم الله الرحمن الرحيم

قصيده ثانيه جازت لي






[poem=font="Simplified Arabic,5,darkblue,bold,normal" bkcolor="transparent" bkimage="" border="solid,1,darkblue" type=2 line=1 align=center use=ex num="0,black""]
حنا جنودك يا وطن وصفوفنا دونك جسور=نآرد حياض الموت من شانك ولا يسهج حماك
مهد الرساله منبع الإسلام من ماض العصور=موطن هل العوجاء سلالة من نفض بشته وجاك
يوم الجهل يطعن بسكّينه ويلعب فيك دور=ما ينومن جالك ولا يذري من الخيفه ذراك
أنقذك ربّي بالزعيم الفيصلي نمر النمور=سارت خطاه من الكويت وحال دونك وإحتماك
أقام فيك العدل بأنواعه وزاد العدل نور=وأصبحت روضٍ من رياض المجد فأعلى مستواك
وش لون ما نحماك من حزب التطرّف والفجور=لا بالله إلا أرواحنا ودميّنا تفدى ثراك
واليوم جوّك في عيوني غيم وترابك زهور=على سلامة سيّدي تستبشر أرضك من سماك
حتى هواك ألطف من النسمه ومن ريح العطور=متى يعوّد واقي العثره ويستنشق هواك
هذي رسالة تهنئه ماهي على أجنحة الطيور=عبر القناه اللي وفاها لك يعبّر عن وفاك
سلامتك يا سيّدي ومجار من كل العثور=الله يردّك يا وليّ العهد ويسدّد خطاك
شعبك يأبو خالد تراه يبادلك نفس الشعور=يعيش بأفراحك وبأحزانك هنا وألاّ هناك
يا سيّدي جودك مطر هتّان وأمجادك بحور=لو جيت أعبّر عن خصالك ما قدرت ألحق مداك
يا كافل الأيتام والشيبان حدبان الظهور=يا ماسحٍ دمع الفقير اللي ليا إحتاجك لقاك
يا مطلقٍ قيد السجين وباعثٍ فيه السرور=ما نملك ألا يحفظك ربي ويرحم والداك[/poem]

المبدع / حمدان العصيمي

@s_7amd