ياعوالي نجد من جور الزمان اذريني
واحفضي لي هيبتي مابين ذيك وذيه
جيت من حر السموم ولاهبه شاويني
اطوي البيدا وادوّر في ذراك الفيه
كل مادار الشريط وحدقتبه عيني
شفت طعنات القفى لاسميّت عفويه
آه ياعفويتٍ زادة على مافيني
وآه ياضيق النفس لاكبتت الحريه
لاقلبت الصفحه اللي شوفها معميني
في رجاء عيني تشوف الصفحه الورديه
احترق جوف الورق والحبر عاف ايديني
لين اعوّد من قصيد العشق للمرثيه
وان بغيت اسقي الضوامي من قراح اسنيني
ارتفع صوت الرصاص وطارت القمريه
طاحت اسوار المدينه والعرب غافيني
واستباح المفتي الوهمي حمى المحميه
احترامي وجل تقديري لمن يعنيني
مع جزيل الشكر لهل الديره المسميه
الله الله الله الله الله
سلمت يبومنصور
قصيده رائعه ورساله قويه
صح لسانك
تحياتي
|