صباح / مساء . الطيب .
كل عام وانتم بخير والله أسأل أن يعيده على الأمة الأسلاميه بالخير والعفو والرضوان .

*
*
*


[poem=font="Traditional Arabic,6,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
العيد ماهو كلمة ( مبآرك العيد ) = العيد والله يوم ترجع (فلسطين)
على يدين أحفاد ساطي وصنديد = أموحدين وصادقين وعلى الدين
بعزوم ابن طالب وخالد وابو زيد = وشجاعة الفاروق عوق الشياطين
القلب لا جا من عراويه رعديد : = لا يكحل عيونٍ ولا يلوي يدين
في يوم يرفع سوق قطم العباريد = النار حيه واليهود النياشين
بين الحماسه والدعا والأناشيد= يومٍ يرجّح به ثقال الموازين
يومٍ يشيّب من حياته على الديد = ويشب عودٍ قد حذف فوق تسعين
يا عالم أصحو ما شبعنا تصاديد ؟ = صار الصقهْ بالآذن والقلب والعين
وصار التخاذل دون ميقافنا حيد = وصار التجاهل للحقايق عناوين
شوفو مساكنهم تقل تكره البيد = أشدها اللي ثابتٍ فوق جدرين
وحنا مساكنّا قصورسراميد = ما كننا من طين نرجع الى طين
وشوفو ملابسهم تقل من وبر صيد = وحنا من الديباج نشري حذآيين
وشوفو غذاهم تقل عيشة مطاريد = وحنا من البطره نعَشَ السراحين
وشوفو فرحهم تقل مخلوق من قيد = بين المرض والدمع والحزن والبين
وأطفالهم من غمرهم للمواليد = مع الحجر صحبه مثل خوة أخوين
ما يعرفون من الحلاوه لو أعويد = صارو من حقوق الطفوله بريين
وأطفالنا فوق الثريا ملابيد = وأن دمعّو صدفه : صرخنا مساكين
وشيبانهم مثل النصايب على السيد = منسي وهنهم مع شراب الأمرين
وأكبارنا فوق الدلال البغدايد = وجدي وجّدك جندل آعمر وآحسين
جهلٍ مضى ما يعتبر للعقل فيد = على بعضنا والسبب ناقه وضين
صرنا على الأسلام مثل الجلاميد = يا قلْ ما باقي صيامٍ مصلين
وأصبح صلاح الدين سيره وترديد = على فميٍ تلحف الزين بالشين
أما صحينا من سبات الهرابيد = والأ غدينا ضيعةٍ مالها سين
ولا آظن ترجع قدس الأحرار يا عيد = وحناّ فعايلنا قصيد وبعارين[/poem]


*
*
*







*
*



*
*


وسلامتكم .