|
لذّة المحضور !!
تطْمح للمُرور
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بعد تبنا عن بيوت الغزل مدة ثلاث شهور=انا وبحور شعري والخيال وصورة ألهامي
تجمعنا على مُر الزمان ولذّة المحضور=تجمعنا من اطراف الشتات / وكلنا ظامي
ثملنا / والوجع فينا ولاندري من المخمور=على زلة لسان / وكلمتين / وميسم(ن) حامي
تجمعنا ظلام / ولابقى بأطراف شمسي نور=وانا نايم على اطراف الهجير وجرحي الدامي
وسرى ليل الغرام بعبرتين / وخاطرن مكسور=وشرهة عمري المقفي / على الباقي من ايامي
ودريت ان الزمان اللي جمعني فيك يالغندور=هدم كل الشموخ اللي بنيت وبعثر ارقامي
يشح ابك الزمان ولاتجي يالغايب المعذور=وانا لوشحّت ادروب الرجا ماشحّت أحلامي
وقف هاك الكلام اللي هدم قلبي على الحنجور=وانا آتمتم على ذم الفراق وتبرد اعظامي
حبيبي من زرع فيك الفراق وخبْري ارضك بور!=على ارضك شفقت وجيت لك واعروقي حيامي
صدق من جرب الدنيا وقال ان الزمان يدور=صدق من قال اذا عمرك صفالك (علّ ياظامي)
تشيل البندق بكفك وتنبش جثة المقبور=ولا تدري من المرْمي / ولاتدري من الرامي
ترا الشرهة على بابك تقوم وساقها مبتور=وانا لو زلت اقدام البشر / مازلت أقدامي
انا من يوم فارقتك سنه مدري ثمان شهور=وانا لا عيشتي عيشه ولا أوهام بأوهامي
تعال / وعالج اوضاعي بدستور وبلا دستور=تعال / وأجمع اطراف الكلام ولملم إحطامي
تعال / وثوّر احساسن عقب بُعدك ماعاد يثور=تعال وفجّر الدنيا حنين وسكّت أخصامي
تعال وسو ماتبغى / ومن خلك ترى معذور=هذا قولي وتأكيدي وهذي بصمة أبهامي
[/poem]
|