:
:



(( أبوطارق )) .. حبيب الكل .. !!

نبذة تعريفية عن هذا الأيقون (( )) الذي نعشقه كثيراً .. !!

أسمه (( منصور )) ..
ومسمي نفسه (( ابوطارق )) ..
عزوبي .. ويبا يبطي عظم .. !!
يتيم (( الأم )) منذ أن كان عمره 5 سنوات .. وزوجة أبوه (( مبهذلته )) ..
ومعيد (( ثانوي )) .. ثلاث مرات .. وفصل بعدها ..
دخله (( جني )) يوم كان عمره 15 سنه .. وندم .. !!
طبعاً اللي ندم الجني .. فخرج الى غير رجعه .. !!
يعشق (( النكته )) لتفريغ شي من (( كبت )) ظروفه القاسية ..
كان موظف (( سنترال )) ومن خفة دمه ناس كثيرة تتصل عليه عشان تسولف معه ..
يكره الأماكن العاليه .. ولايعرف يسبح .. !!
حرّيف كوره ..
ويعشق مكاشيت (( البر )) لكنه مايقنص الضبان ..
لأنه يأوي لها من (( القتل )) ..
احساسه مرهف .. ويكتب قصائد في (( السر )) ويدفن معناها في (( بطنه )) ..
حب .. وقشموه .. قصدي حب .. وفشل في الزواج .. وراحت عليه ..
ويرمز لأسم محبوبنه اللي طارت منه ..
بأسم (( ريم )) لأن اسمها الحقيقي (( مها )) ..
تعلم العزف على (( العود )) ..
وصاده ابوه وهو يدندن وكسّر العود على راسه ..
يحب المغامره .. ليس لأنه شجاع .. ولكن لأن نصفها الثاني (( مره )) .. !!
حالياً ..
يقبع خلف (( القضبان )) مسجوناً ..
لأنه قابل اللي أخذ البنت اللي يحبها .. و(( لكّزه )) بـ 5 طعنات .. !!
أوصلته لـ (( السجن )) وأودعت الملكوز في المستشفى ..
ووصل الى قناعه :
أن (( السجن )) مدرسة يعيد فيها المجرمين فقط .. !!
لذا لايريد أن يعيد في السجن ..
ليس لأنه يخاف من وصف (( المجرم )) ..
لكنه (( تعقّد )) من الأعادة والسقوط من أيام الثانوي .. !!