السلام عليكم ورحمة الله وبركاته
بمناسبة سلامة سيدي صاحب السمو الملكي الأمير سلطان بن عبدالعزيز ولي العهد

أبدا وبادي بدء ذكر اللي ذرانا بالوجود=محصي الخلايق من جميع اصنافها واعدادها
له الثناء والحمد والشكر الجزيل بلا حدود=اللي زرع بقلوبنا حب الوفا لبلادها
اقدس بلد واطهر بلد(بارواحنا عنها نذود)=الله يرحم كل من نحو المعالي قادها
عبدالعزيز وما حضن ذاك العرين من الاسود=سعود والفيصل وخالد والفهد روادها
ويحفظ بحفظه خادم البيتين حلال العقود=ويكفيه شر اشرار خلق الله واذى حسادها
نهديه تبريكاتنا والأرض نفرشها ورود=على سلامة من به الأمه تعيد اعيادها
يا سيدي سلطان بن عبدالعزيز ال السعود=تردد قلوب سكن فيها غلاك وسادها
اهلا هلا مليون في مليون وان زادوا نزود=يا حصن دولتنا وعزتها ورمز امجادها
اهني بلادٍ سحابة كفك البيضا تجود=على ثراها جعل ما تعلن عليك حدادها
متلهفين لعودتك والشر جعله ما يعود=عودتك لاحبابك تعبر عن سنه ميلادها
يا صاحب الوجه البشوش اللي رضاه بلا قيود=ويمنى حباها الله من البذل الكريم وزادها
تظهر عليك الابتسامه عند بذلك للجهود=يوم القلوب السود تظهر بالوجيه احقادها
كم غثت مكروب طلب غوثك وخلق الله شهود=أسرة بلادك ما تكبر عن صغير افرادها
طفل الشمال أستقبله صدره..وقلت ارقى سنود=عادت له اماله بثاقب نظرتك وابعادها
والله ما يجحد خصال الخير فيك الا الجحود=ماهوب منا كافر النعمه ولا جحادها
أهلا هلا مليون في مليون في مليون زود=عودتك لبلادك عباره عن سنة ميلادها