السلام عليكم ورحمة الله وبركاته

كل عام وانتم بخير والله يعيد العيد على الجميع بالخير والمسرات

مشاركة متواضعة بعد انقطاع عن الشعر لفترة طويلة وضعتها هنا للتواصل

ارجو ان تمرروها ....ولا تدققون ترى اللياقة يمشي حالها

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هيه ياللي جروحك فالحشا ما تعدّد=عدّنا منتهين وودّنا لا تعدّه
حبك اللي له اصل ٍ فالمشاعر مردّد=خاله الشوق والاخلاص عمه وجدّه
سال دمه على قاع الضلوع وتبدّد=بعد ما قص سيف الهجر عرق المودّه
كان حبك يزيد وفالخفوق يتمدّد=لين حتى عن احدود الصدر زاد حدّه
كل صبح ٍ جديد الشوق معه يتجدّد=وكل ليل ٍيجي له ونتي مستعدّه
وخافقي نبضته تطلب رضاك وتودّد=وحلمه انك مثل ماهو يودك تودّه
في غلاك اندفع ما يوم قارب وسدّد=وكل حاجز على سكة وصالك يهدّه
شام عن لوم من لامه بحبك وندّد=وهام في قدك وفي نجلك المستبدّه
وانت لو لان هرجك فالمواصل تشدّد=والصبر فاض سدّه بين لدّه وصدّه
ان طرالك تودد وان طرالك تصدّد=وحبل وصلك تمده ثم ترجع تقدّه
ماقدر اعيش بالهجران دايم مهدّد=انتهينا ودرب اللوم يالترف سدّه
وان طرق حب غيري خافقك لا تردّد=حب وانسى غرامي لو ما مر مدّه
يولد الحب ما يعرف زمان ٍ محدّد=وفي وفاة المشاعر ماللاشواق عدّه

[/poem]