|
وقفة العملاق
ايها الاخوه اعضاء وزوار هذا المنتدى الشامخ
اقدم لكم هذه القصيده التي قلتها في زواج محمد بن راشد بن طليميس الحراجين الدوسري
ليلة الخميس 5/10/1430هـ وهي اعتبرها اقل مايقال في حقه وهو في غنى عن التعريف
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حضرنا بحفل اللي له الطيبات تساق=وشرد القوافي فيه قمت أتخيرها
بيوتٍ كما الياقوت ترضى بها الأذواق=تداحم على صدري والإبداع يظهرها
بيوت الذهب تفرق عن المعدن البراق=على شان ابن راشد بقدم جواهرها
أبا أمدح عريب الساس بالطيب والأخلاق=ومن لا يعرف أهل الوفاء مايقدرها
محمد طلع للمرجله طلعة المشتاق=وتعدى النجوم اللي بعيدٍ منابرها
ولد راشد طليميس لا نشفت الأرياق=فدته الرخوم اللي خباثٍ ضمايرها
على العز والناموس للطيبة سبّاق=بحور المراجل فيه ترسي بواخرها
زعيم المراجل والمراجل لها ميثاق=ونفسه مع أهل الطيب تبدي مشاعرها
ولاخاب مخلوقٍ تحت دبرة الخلاق=طموحه بعيدٍ وأكثر الناس قاهرها
وقف للعلوم الطيبه وقفة العملاق=ولاغيّرته ايامنا مع تغيّرها
راعا رفقةٍ ماهيب حبرٍ على الأوراق=وعيبٍ على اللي رفقة الطيب ينكرها
أزف التهاني بأجزل القول من الأعماق=وعن غائب الأيام يكفيه حاضرها
وتمت بذكر اللي لخلقه كتب الأرزاق=إلهٍ خلق خلقه وبأمره يدبرها
[/poem]
خباث الضمائر تشعل النار بالكبريت=ولو رحّبت قدام وجهي ما أجاملها
وأنا ما ألتفت في شجرة الثوم والحلتيت=ولا أهين نفسي لأقشر الناس وأنذلها
وهنا بعض قصائدي >>> ( الديــوان )
|