ما زال طعم العيد .. مُر !!

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
على كثر ما تقول الناس عيدك سعيد=اقول ما يكتمل عيدي وهي غايبه

تولمي يا هواجيسي وهاك المزيد =من دمع صوتي وبحّاته وهي خايبه

تعيش في البال واداري غلاها البعيد =يوم الزمن حدها لظروف عجايبه

يبكي لي القاف وانا اعرف دموع القصيد =ما تبكي الا على كايد وهي صايبه

يشيب لي حرف فغيابك واعاند وازيد =لين امتلى دفتري بحروفي الشايبه

تكاتفي يا ابيض اوراقي وحلو النشيد =وتجملي في حبيبي .. ذاهبه / آيبه

يويق هم الفراق من المحاني .. وآشيد =لك سور بين الضلوع من العتب جايبه

ما كل شخص ٍ على فرقا ه طوقت قيد =وْلا كانت حروفي تقول لك وش جايبه

اقول هذي 10 (والي بعدها يا عيد) =لعلها تقتضي لحظوظي العايبه

يموت عذق العتب ويموت خاطر سعيد =والشوق في داخلي ذكيت هبايبه [/poem]