[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
يامن تماثل بعطفك وانت ماتدري=ان المشاعر بوسط الحب مفهومه
كبير صبري والاكبر شي في صدري=انك عزفت الشقا وارسلت بهمومه
يانازف العطف يامن قلت لي عمري=ماتدري انك عذاب الوقت وسلومه
شريانك العذب يومه ودعه عطري=قام يتفاخر كا انه ممتلك يومه
فراقك ارحم واشوفك صرت لي قبري=ديمومة الجرح يامحلاك ديمومه
ارسل قراح الشقاوه واغتنم صبري=لاصرت تفهم قراح الهم وغيومه
ياليل صمتي ياجرحي ياسطر حبري=ياكاس علقم زماني واعذب سمومه
هدمت حبي وتدري من هدم قصري=وبنيت صوره على الحرمان معدومه
كسرت عهد الميانه واستحى عذري=وخسرتني من ضياعي قيمة رسومه
مايغري الشوق والتوديع كم يغري=وضحت لك ماقريت بضمن معلومه
ان كان مثلك عذابه با الحشا يسري=انا ردودي رحمك الله يامرحومه
وهبتك احساس مثل النبع كم يجري=لو مر نايم فزع ثم قام من نومه
لكن ما دام الجوارح با الزمن تطري=ماجابه الوقت حق ونفهم علومه
سحابة الجرح صبي واكرمي زهري=لاتسرحين بغرامن عاش بحلوومه
فراقك ارحم واشوفك صرت لي قبري=ديمومة الجرح يامحلاك ديمومه !!
[/poem]
|