[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
من الزمن ناخذ مزايا كثيره=ونحذر عيوبه والليالي مفاهيم
ومن الظروف القاسيه والخطيره=عشنا تحت ظل الزمن والتعاليم
هذا العمر فيه التجارب مثيره=كم طاوع الاجرام وارخص مظاليم
lحتى الاماني فيه صارت اسيره=صرنا مع الاحزان ربع ومعازيم
ضاقت فجوج الارض لو هي كبيره=وكلن رضا من ربنا با المقاسيم
من ضيعة الايام خلدت سيره=عنوانها الدمعه وحزن المراسيم
امشي وانا رجلي بوقتي كسيره=احاول اربح والسما شحت الديم
كان المدامع في زماني خبيره=عمر الزمن مارخص علي الملازيم
هذا الزمن ورحاته المستديره=ياكم فنى رووس الرجال المحاشيم
عزي لزمنا دام هذا مصيره=طيبه قليل وتحجبه غيمة الضيم
جانا براد الوقت ويا هجيره=وكسبت من حره مع البرد تقييم
با ان الزمن في اوله مع اخيره=يحتاج له من هيبة الحزن تكريم
لو ها المشاعر والنوايا سفيره=ماكان قسمنا المواعيد تقسيم
ميعاد جرح وهم بعيون ديره=والديره الدنيا ومن دون تفهيم
لايازمن كم بعت خيرن وخيره=كلفتني التفكير مع كثر تغريم
احصد خساير ها الدروب العسيره=واسلم المشوار لرضاك تسليم
بيني وبينك دوم عهدن وجيره=ومنك الليالي يازماني مجاهيم
منك استفدنا با الظروف الخطيره=انك زمن يحتاج لك الف تعليم !!
[/poem]
|