سهرت ليل البارحـه مابيـن بيـع ومشتـرى
احيان ابيع الشعر بارخص سعر واحيان اشتريه
احيان اشوفه مزن وسـمٍ فيـه براقـه سـرى
واحيان احس انه سرابٍ من مشى خلفـه يتيـه
واصد واخليـه للـي مـن جواهـره فقـرى
وازيد اغير موقفي واكرب حزامـي واحتميـه
واخر قراراتي عسى يدري بها اللـي مـادرى
اقرأ النزيه من القصايد واكتب الشعـر النزيـه
والله مادونك يانـزف المشاعـر فـي حـرى
اقطف زهور المدح والا اقرا تعابيـر الوجيـه
انـا ليامـنـي كتبـتـك ياهناديـبـي تــرى
انزفك من فكري واحاسيسـي ويفهمـك النبيـه
كله لعين اللي ليـا منـه علـى بالـي طـرى
اشوف مال الشعر داعـي كـان ماينقـال فيـه
شعر يستحق الاعجاب
وشاعر يستحق التقدير
,,
ضاوي
صح لسانك وفكرك
تحاياي وتقديري
,
|