|
(*(( ثااااري ))*)
[poem=font="Traditional Arabic,7,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بندق وجنبيّه وعجرا ورشاش = ماتِلبس الاطفال ثوب الرجوله
دام السلاح بكفّ الاطفال هوّاش = فالله يرحم حالتك يابطوله
اللي ضعيّف قلب وعظامه هشاش = يقدر يصير اكبر شجاع بسهوله
يضغط على زند الرميّه وينحاش = وتاقف بداله فالمواقف نعوله
واليا ذبح له جيش ماضاق له جاش = بكره ترى كل الامور محلوله
على شرف بشتين وصحون واكباش = تنخ عشر جمال عند الحموله
بيحلّها الحلال ويكوّش الكاش = وتصير كفه من دماه مغسوله
يطلع بطل من حبسته ماهو بــ لاش = وربعه ليا جاهم بطل صفّقوا له
ولو يضمن التعويض خمسين حشاش = بادوا لهم في خمسة ايام دوله
والمشكله ماهيب في ميّتٍ عاش = المشكله في عايشٍ مات حوله
يااهل الوفا لا يعقب السيل برشاش = والله مايشفي غليلي عموله
ماينثني ثاري على ثايرٍ هاش = الا بحكم الله وسنة رسوله[/poem]
|