[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
حبيت أنا (الدوحه) ومنهو سكنها=من شآن مخلوق(ن) على الروح غآلي
كل الليالي في حياتي زمنها=بنت الطموح اللي بالأمجاد عالي
ياسعد حظ اللي بطيبه زبنها=وأسقى غليله من جميل الليالي
أعذب عباره للوطن في وطنها=أصل التراث العذب وأصل المعالي
لو نوزن أطنان الغلا ماوزنها=قلبي وأنا أدري حبها في خيالي
من زينها كن الأماني وكنها=شيهانة(ن) ترقى طوال الجبالي
ربي خلقها للجمال ودفنها=في داخل أعماقي وتاريخ بالي
وقلبي بحبه والمشاعر محنها=يطري له إعجاب الرفيق الموالي
تسوى اليمن والشام وأقصى عدنها=وأجمل بنات الخلق بأول وتالي
في طيبها في زينها في بدنها=في رمشها بعيونها ويل حالي
ياحيها وياحي بيتن حضنها=اللي حفظها من جنوب وشمالي
ياعل تبطي ماغشاها كفنها=وتبقى لقلب(ن) باإسم الأشواق غالي[/poem]
|