يا مشايخ مصر يا مال الذهاب
أمة الاسلام لا تغوونها
للفتاوي عندكم باب وجواب
والخلايق بالخطاء تفتونها
تحرفون أحكام ربّي بالكتاب
وتخلفون السنّه وقانونها
تآخذون الدين من ريش الغراب
والبيوت الخاربه تبنونها
طنطن الطنطاوي و ودّا وجاب
شيخ دين ولحيته وشلونها ؟
جرّ صوته بين تلعات الرقاب
عقب شاف من الفتاه عيونها
وقام يجبرها على خلع النقاب
لين ميّز راسها .. ومتونها
والفتاوي لو مجانبها الصواب
راح يفتل شاربه من دونها !
أتق الله فـ البنات وفـ الشباب
لا تقود الغاويه بقرونها
ما يضيع الحقّ في يوم الحساب
مير خلّ المسلمين بشونها
الله الله
دكتورنا المبدع .. دائماً تتحفنا بالدرر
|