|
فرقاك عيد
ياللي تجاهلني تجاهلك مقبول
تجاهلن منك انت مثل الدلالة
على اني المعروف والا انت مجهول
لو رحت في شرق البلاد وشماله
دام الحميه مالها فيك مفعول
فرقاك عيد وذكرياتك بطالة
تبطي ويبطي كل ناقص و دعبول
ما قللوا عزمي وقدري حثالة
يعطونك الاعداء على الوجه وتقول
يا حي رفقتكم و ياحي الزمالة
انته قليل احسان ولسان معسول
ياقرد عين اللي توقف بجاله
انا مقر الشعر واقول واطول
واكبر من العرق الردي واحتماله
ما هوب شرط اوضح اسمك ولا اقول
تدري وتفهم وش تقول الرساله
لا تذكر الذكريات ولا تذكرني=الذكريات القديمه سبت أمراضي
أبكي على أطلالها والشوق ينحرني=مع إني أعلم لايمكن يرجع الماضي
|