:
متى يا عيني يجيك النوم
ما يسمعك لو تنادينه
أقفى وعلّق عليك اللوم
وشبتي وقمتي تلومينه
وأن مرّ صدفه بعد كم يوم
حال السّهر بينك وبينه
لا بدّ ترضين بالمقسوم
وش في يدينك تسوّينه
من يفزع لجفنك المظلوم
مسكين والعين مسكينه
محاجرك كم تشيل علوم
متى كلامك تقولينه
الصمت مع نظرتك ملحوم
ولا قدرتي تفكّـينه !
مير أحذري من عيون القوم
لا تلمح اللي تغطيّنه
وأن قالت الشمس صحّ النوم
قولي يا شمس الضحى وينه ؟
القفله عن 384723849723 قصيده
للشاعر الرائع ومحبوب الجماهير ( سداح ) .. !!
..
|