|
وااااقلبي
[poem=font="Traditional Arabic,7,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
آه واقلبي اللي من صوابه جريح = من علومٍ جديده مادرينا بها
ضاق صدر الفضا والكون ماهو فسيح = والدموع الغزيره كسّرت بابها
كيف ابا امنعك ياعيني وقلبي يصيح = شايلته الجوارح بين مخلابها
كنت اكابر واقول دموعنا ماتطيح = لين طاحت بنا الدمعه على اهدابها
هِلّ يابو محمد دمعتك واستريح = دمعتك غاليه لكنْ وش اسبابها !
ان بغيت الصراحه والكلام الصحيح = ماتهلّ الدموع الاّ على احبابها
واحدٍ وان غلط في شي ، ماهو قبيح = بس الاصحاب ماتسلم من اصحابها
أشهد انّه ولَد لكنّ حظّه شحيح = غرّروا به وجاب الغايبه جابها
والدليل انّ ماله فايّ علمٍ فضيح = كاسب قلوب كل الناس واعجابها
من ذرى بيت عزٍ كاسبين المديح = والنعم حظ حاضرها وغيّابها
الوفا والمراجل واللسان الفصيح = ورثة عيالها من ورث شيّابها
ومن يقول الجمل بيطيح لا مايطيح = لو سكاكين عدوانه على اعصابها
والنهر عذب يامتعب وينضح نضيح = مايعكّر مياه النهر شرّابها
لا يهمك ماعند الكلب غير النبيح = تمشي القافله ماتوحي كلابها
ارفع الراس يابن الناس مجدك صريح = لحيتك قدرها من قيمة اشنابها
زاح بعض الزعل والهم عيا يزيح = ياالله انك تفرّجها من ابوابها
طالبك يااله أحمد وعيسى المسيح = ردّ سم الحيايا في طرف نابها[/poem]
|