السلام عليكم ..

لــ عبدالله محمد العصيمي
[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
جات القوافي شرّدٍ بلسان شاعرها الفصيح=تحمل مضامين الخبر واخبار لندن ذاعته
فوراً على البث المباشر ينتشر مع كل ريح=مادام ذنب المبتلا عُلق على شماعته
الليل عتّم والاماني بين شوك وبين شيح=عامين طايع للزمان ولاظفر من طاعته
وش حيلة اللي فالكتيبه يستعد ويستريح=حسب الأوامر يجتهد مير الليالي لاعته
الله يعينك تحتزم بالصبر يالقلب الجريح=مالك دوا عند الطبيب ولاتفيد اشاعته
من لايوقت ساعته دايم على الوقت الصحيح=لايزعل اليا فاته الموعد ودقت ساعته
واللي يقول ان العطا وافي من الكف الشحيح=ماكنه الا جم بيرٍ مالحقنا قاعته
الذيب يوم إنه عوى ماهو على شان الفحيح=والحيه اللي تطّحن ماهي سبب في راعته
من طلقةٍ رمايها ضيّق به الكون الفسيح=والرجم دايم مزبنه والذيب صان وداعته
له فرّةٍ مع كرّةٍ بين السلامه والمطيح=دامه على المرقاب عدى فالسمين اطماعته
ماغز نابه فالسقيمه والكسيره والنطيح=خلا الضعيفه للضعيف وسببت في ضاعته
مردودها في ساعةٍ دقت على الوقت الصحيح=واللي يهمه موعده لازم يوقت ساعته [/poem]

المرأة تبقى. مرأة
ومن تقول انها لا تحتاج إلى رجل في حياتها.
فهي. كاذبه.
أو لم تكتشف هذي الحقيقه إلى الان. ?.