السلام عليكم ورحمة الله وبركاته ،،
للتواصل ، والحضور ، ولـ مكانتكم في قلب اخوكم
سيّد الغيبات ....!
مادام السالفه طالت، دخيل الصمت والآهات
وأمانة قلبك الطيّب ، معـك لالا تناسيني .!
رحلتي والمساء قاهر ورحتي والعمر لحظات
ولاحتى بقى عندي سوا صوّرتك في عيني
بعدها لوّ ملا صدري هموم وزادت الأصوات
قسم بالله مع نفسي اهديني واواسيـني .!
وأعرف ان الزمن مهما قسى ياسيّد الغيبات
يجي له يوم لامني طلبته شيٍ يعطيـنـي.!
بكيتك من بعد منتي وسط صدري مليكة ذات
سهرتك والشعر لأجلك تبعثّر في دواويني
عطيتك لين ماصرتي على حدّ السحّب هامات
ووين انتي في هالحزّه وانا ياغايبه ويني
رسمتك فالخيال أجمل من الدراّت ، والنجمات
إلين اني احسّ انك من إيديني تشوفيني.!
مشيتك لين خاويت الدروب العوج والسجات
وإذا جيتك نطقّت وقلت: ياحيّك عناويني .!
أناديلك ، واعبرلك وكنّي منطقّ الا سكـات
وكل اللي حواليني من اسبابك يعزينـي
دخيل عيونك النجلاء ترى قلبي بقى مامات
على طيفك أعيش إلا عشانك في شرايني
هذا وآنا بعد غيبة سموّك لوّ بقول أبيــات
بقول أبيات .! لو كانت بيوت الشعر ترثيني
وإلامن حلّ بي ذكرك مع اللحظات والساعات
معك بترك بعـض بعضي ولاودي أصحيني.!
وسلامتكم .!
.
.