|
(*(( الفقر ))*)
[poem=font="Traditional Arabic,7,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
آه ياالفقر وش سوّيت بين الأنام = حسبنا الله على فعلك ونعم الوكيل
سبّك لسان ابو طالب عليه السلام = يا مقرّب لهيب النار راس الفتيل
كم عليلٍ حرَمته من لذيذ المنام = ودّه يموت مما شاف لكن عليل
وكم يتيمٍ مع اخوانه جياع وصيام = في نظره انّ كل العام شهرٍ فضيل
وكم عطوفٍ من عياله يرى الإنهزام = يعجز يقدّم الشي اليسير القليل
وكم سجينٍ ديونه تحبسه كل عام = بين جمر احتياجاته وجمر المليل
وكم شريفٍ ظروفه علّمته الحرام = باع عزّته للشيطان واصبح ذليل
وكم عزوبي دخل جوّ الهوى والغرام = نصّ دينه سراب ونصّ قلبه خليل
وكم طموحٍ تخلى عن بلوغ المرام = كان ودّه يسوق المزن بين النخيل
وكم رجل والله انّه للمراجل حزام = مالقى للجمايل والمواجب سبيل
وكم كريمٍ كريم ومن كرامٍ كرام = صار بعيون ضيفانه مجرّد بخيل
آه ياالفقر والله وعليّ الحرام = لو تكون آدمي لارديك قدمي قتيل[/poem]
|