:
:
إحساس آت / 7
حنا العرب
حنا جماهير الطرب
وتحت الطلب
واستغفر الله مانحب الرقص
لأن فيه النقص
تاريخنا مجيد
وانشدوا رابح صقر
وانشدوا عبدالمجيد
:
حنا أساس المعرفه
حنا الأساس بكل شي
فالعلوم وفالرياضيات
وفاالطب
وفاالفلسفه والحب
وفالتشريح والتلميح
والشك والتجريح
:
جداننا
الرازي
وابن الهيثم
وابن رشد
وابن النفيس
وعبدالحليم
وشوقي عوض عبدالعليم
مين ! مدري
اهم شي انه اسم
مرفوع مكسور مفتوح
مايهم
:
حنا العرب
واوّل شعب بعد التجارب
قدر على مزج
تشيدر مع التميس
حتى نزيد الكون نور
ونشاهد لميس
:
ياغرب
ياعبيد المال
ياأوباش
شتّان بين النجم
واسراب الفراش
أحد مكانه فالسما
يحرق ولاهو محترق
:
وأحد يدوّر أي ضوء
عشان
نفسه يحترق
:
: