منتديات المرقاب الأدبية - عرض مشاركة واحدة

03-11-2009, 06:20 PM

[align=center]يقول مطر العازمي :

في مكانٍ ماء
:
؛[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياعقاب ركنك ليه مافيه زوار=اشوف مابه غير ( 61 )
ماعمر هذا النقص يامسندي صار=اقل شي منول حدود ( 200ِ ) [/poem]

وكانت هالبيتين سبب تكوين (( [S]دُعابه[/S] )) ثقيلة دم :Icon29:
:
؛
[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=sp num="0,black"]
يالعازمي ركني لفت كل الأنظار=قولٍ موثق مايبي له براهين
أصبح عليه أقبال من كل الأقطار=بالذات رواد الهوى والمحبين
اللي مشاعرهم عليها الزمن جار=وكلٍ يبي يصّرح للإخر له أسنين
وأليا ألتقو كلٍ لسانه معه بار=وعَجز مع الثاني لاينطق بحرفين
وكلٍ شخص بعيون خله بالأبصار=وأقلع من الدنيا مايدري على وين
جو العيون اللي تسولف بالأسرار=بمجرد الأرماش تنساه بعدين
وكل الكلام اللي بعد ماألتقوا طار=في ركني الهادئ لقوه الوليفين
أتقنت تعبيره بتركيب الأفكار=اللي بعّشر أبيات واللي ببيتين
ولاشك لهل الغي شاعر وبيطار=الله على الغاوين في ركني يعين
لا وأكثر اللي فيه غاوين شعار=لا وأغلب الشعار هاوين غاوين
لولا الحيا لايقال كاذب وعيار=تبغى الصراحه ياسعوط المجانين
لقولها يالعازمي سر وجهار=لابوّ الفقر لابو معاش المساكين
{ حصل لزواري بركني تفجار }=نفس إنفجار الشعب فالهند والصين
والصدق عاد الصدق ياواف الأشبار=توقعي تعدادهم ياصل ( 2000 )
لكّن الأستايل لتغييره أثار=ساواه باللي مادخل ركنه ( 2 )
وللحسّد دور وللحواسيد معذار=فالميـه أغريهم بـــ ( 99 )
أخذ النصيحه وأعتبر منه ياجار=زوار ركنك لايتعدون ( 20 )
ثم ينتكس سوات ركني وتنهار=مع إن ركني فالصداره لهاللحين
مامن عيون الناس يالعازمي خار=وعيون عدوان التميز شوازين
بأمر الله أليا منّ نادوسها ثار=مافي نحى فمها يذوق الأمرين
العين حق وتسبق أجال الأعمار=حسب مايروى في حديث الصحيحين
على لسان المصطفى سيد الأخيار=( صلو على خاتم جميع النبيين )
وبمره نلوذ برحمة النافع الضار=من شرها ونعوذ بإسمه من العين
يالعازمي حافظ على كل الأذكار=وخل الهوى يصفق حيود الضلاعين
النير ماهزه ولا هز سنجار=بسم الذي ذكره يزيل الشياطين
وبما أنك اللي دايم أفكاره أبكار={ والبيت تلقائياً أتركبه زين }
بعلمك بالصدق مدخل ومظهار=زوار ركني نقصهم ! ماأسهر العين
سبة سهر عيني ليا وقت الأسحار=الجادل اللي تقسم القلب قسمين
لاماأدخلت في ركني أضيق وأحتار=وفالنايفات أقنب قنيب السراحين
كني من الفرقا على واهج النار=وأزريت لاأرغب غيرها فالمزايين
لعيونها ياطا القدم درب الأخطار=ماهاب غير اللي خلقنا من الطين
هاذي حقيقه ماعلى وجهها غبار=العمر يفداها ولو ترهنه دين
هي اللي غيبتها توديني شهار=حسبي على الفرقا وعلى حضي الشين
لاجيت ألف يمين عوّد بي يسار=حتى لو الخط أنتهى أجباري أيمين
هب الصبا وأقبل علي الهوا حار=وهوا الجنوب أنته تعرفه بقلبين
أول هبوبه كلها أسموم وأعصار=وتال الهوا كتمه وقفلة بلتين
سوات حضي نعنبو خامسه مار=حضي خصيمي لادخلت الميادين
قضيت ربع القرن مذهب ودوار=وكل السبب من مسدحه قام يومين
ماأبيه ينصرني ولاأحتجت الأنصار=ذكرت أبو نواف طلّق الحجاجين
لاقال شوره ماأستمع فيه الأشوار=ماهوب لاجاهل ولا قاصر أيدين
ومدام خلي عنه ماجاني أخبار=بجاه من نوره هدانا على الدين
يالعازمي بالرآي هجرس بالأشعار=عسى جزاك الخلد فالجنه أمــين[/poem][/align]