على مركب خيال الفكر يا عذب اللمى سجيت
ــــــــــــــــــــ سرابي هاجسي والشوق يامرني وينهاني
على طاريك ياما استسلمت روحي لسبك البيت
ــــــــــــــــــــ وياما هاجس الذكرى على طاريك ناداني
وياما كم على طاريك قلنا في خفى يا ليت
ــــــــــــــــ يجازى كل راع احسان مع طاريه بحساني
وليف الروح يا ليتك تذكرني ليا مريت
ــــــــــــــــــ على ذيك الحروف الي كتبها نبع وجداني
حروف ٍ من صميم الذات وقسم لك بـرب البيت
ـــــــــــــــــــــــ تذكرتك فعل ماضي قديم وثار بركاني
ليا مني ذكرت انك على درب الهوى ما اوفيت
ــــــــــــــ ذبل ورد الغرام ومات لو مالت لك اغصاني
اخذت القلب والتفكير قلي وش بعد خليت
ـــــــــــــــ سجين الفكر هايم ون بغيت النوم ما جاني
ابي حلو المنام وذكرك احيا كل عرقٍ ميت
ـــــــــــــــ اذا للنوم سلطه فا انت حبك صار سلطاني
اسج مع البشر وان جيت ابيلي شي ما ناديت
ـــــــ ادور حاجتي بشويش وانت اسمك على الساني
نقشت اسمك على صدري بدمي لين جاله صيت
ـــــــــــــــ واضّيع فيه لا ناديت لي واحد من اخواني
احبك والمحبه شي فطري بس ماضنيت
ــــــــــــــــــــ ليا ساقك حنين الشوق للرجعه بتلقاني
انا مثل السحاب ان جيت كلي بس لا صديت
ــــــ قعطت الوصل لو جرحك عظيم وبالحشاء باني
ما عاد يهمني فــ الامر واحد رحت ولا جيت
ـــــــــــــــــــــ اخذ راحتك حتى لو تعاشر واحدٍ ثاني
تبي زبدة كلامي يا عديل الروح لو لفيت
ـــــــــــــــ على كل القصيد الي كتبته وانت عنواني
تشوف اني معك مخلص حقيقه ونت لا قفيت
ــــــــــــــــ اعز النفس لو حبك تمكن وسط شرياني
تراها اكبر مصيبه في هوى الخفرات لا حبيت
ـــــــــــ وسلمت الخفوق لمن تحبه واصبح الجاني
وتراها اكبر مصيبه زود لا اخذت الجفا واعطيت
ـــــــــــ حنان الوصل في درب الوفا مع واحدٍ خاني
|