[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تعالي حلّليني كان باقـي لـك عليّـه ديـن=أنا بعدك ماعاد الدّم يجري فـي شرايينـي
ماباقي غير دمٍ في عروقي مايجـي لتريـن=نشف بعضه وبعضه حلّلي به ماضي سنيني
خذيني وإقتليني وإدفنيني بين لبـن الطيـن=بلاش (إ)من الحياه اللي فضاهـا مايكفّينـي
ليا منّك حضرتي مالك الاّ أغمّض العينيـن=أخاف أمـوت فرحـه والنهايـه ماقتلتينـي
أنا ماعاد تسوى عندي الدنيـا لـو رياليـن=حياتي موت والموت الحقيقي عنك يحيينـي
عسى ربّي يبيحك بسّ أنا طالبـك لاتنسيـن=تقولين لزماني فيـك فـي قبـري يعزّينـي
ثلاث سنين أجاهد طيف حبّي لك ثلاث سنين=أحاول باالتراجـع والنـدم ماعـاد يمدينـي
بداية حبّنا ماهيب مثل الغيـر جيـم وسيـن=قناعات القلوب (إ)ميول كانت بينك وبينـي
وبعد ماكِفّ فنجال الغلا عنّي ثـلاث سنيـن=أموت من الضرم ماأبغى حدٍ غيرك يقهويني [/poem]
|