مجرّد ثناء للأخ/سلمان المقاطي
ويستاهل أكثر

وأحببت إطّلاعكم على ماقدّمت له والمجمّل الله

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عسى بيتٍ أنجب مثل سلمان بن مستور=خويٍ على الخوّه محافظ ومحتاطي
يحفظه كريم الوجه برعايته معمور=من أهل الحسد ماعاد ياطى به الواطي
ماهوب الخويّ الخايب العايب المسعور=يخاويك فـ / الكنّه ويكرهك فـ / شباطي
خويٍ ليا جات النوايب رجع مكسور=ليا جيت عاني باالعنا زادك إحباطي
خويٍ على الخوّه لاباالله ماله دور=مخاواه تكوه نصّ ساعه على الشاطي
لكنّ أبو نايف يوم جيته وأنا مذعور=فزع لي وجمّل موقفه زنده الساطي
قساوة جنابه للعدوّ أبترٍ مخبور=ومرونة جنابه للخوي سلك مطاطي
ولن صرت كان الله أطال العمر مذخور=أبوصّي عيالي تعلّم من أغلاطي
أبوصّي أكبرهم وأبوصّي المكبور=وأبقول لاخاويت دوّر لك مقاطي[/poem]