الشاعر محمد بن صويان يقول
,,
,,
الشعر له جندٍ من الجن مرجــــوج
بسبابه الشــاعر تجـي فيه رجـه
والنادره لا جات من مثلي تــــروج
والصدق نور وحــجة الشـعر حجه
قُب المعاني للصعيبات مســــروج
وانصاف شعار المـجـلات دجــه
وسط البحر دوامة البحر والمـــوج
وسبع البــحور امواجها مستلجـه
والوجه الأبيض من صباح امس مبلوج
وانا بفــضل الله على ابيض محجه
ماعمري احتجيت وقفيت مفلــــوج
وإلا خصــيم الحق كلن يحجـــه
ولاشفت صح الغير والعكس مدمــوج
اقول كلن له طــريقه وفجـــه
وماني براعي هرج من قبل مهــروج
هرج الـفتى من لـب قلبه يزجــه
هرجٍ سوات المسك بالورد ممـــزوج
ينعش وتاخـذ به هل العرف سـجه
هذا وانا مالي ورى الشعر مـــدروج
الا ربيع الهيـض عن كل عــجـه
والله يرج إللي من الشعر مرجوج
والشاعر ..الشاعر ..تجي فية رجه
سوالم[/QUOTE]
وانا اقول 00
فتحت باب الشعر لو كان مزلوج
واخذت لي مع غيهب الفكر سجه
بآخذ من افكارك وبآخذ معك روج
وابعتمر واقضي ثلاثين حجه
يا محمد الشعار فوجٍ ورى فوج
من كثرهم في كوكب الارض ضجه
احدٍ يجيب البيت وافي ومنسوج
واحدٍ على ما قيل شعره مّوجه
لاله ذبيل ولا طلع منه منتــــــوج
ودائم ورى العربان ذوده يهجه
اخر زمن يطلع لنا جوج ما جوج
سو و لنا في ساحة الشعر لجه
قصيدهم كله حماليـــس وهروج
مثل الهماج لياشربته تبجه
ولا المحنك بالسماء شيد بــــروج
وبالارض يشمي كل دربٍ يخجه
وأنته مع الشعار شاعر ومرجــــوج
وان جيت للعقــــال ما فيك رجــه
|