(( وطن لانحميه لانستحق أن نعيش فيه ))
الأمير : نايف بن عبدالعزيز

(( من مسّ شبر من وطنا فـ سندمّره ))
الأمير : خالد بن سلطان

اتت هكذا فتقبّلوها كما هي من الكيبورد للمتصفح :

[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]


ماللقصيد اليوم في البال مشهاه=كنّه يولّع في ضميري حريقه

كلما بغيت اصوغ قافه ومعناه=كنسل معي كل العهود الوثيقه

واليا سألته قال والصدق منجاه :=مشاعري ماهيب دايم رقيقه

شعر الغزل والمدح بِرّك مطاياه=الوضع مزري في البلاد الشقيقه

الرافضي قام ايتبنّى رعاياه=ويبثّها في المخطيه والصديقه

ويآمر على الحوثي ينفّذ وصاياه=ويبلّ ريقه كلما جفّ ريقه

مايدري أن الدار برعاية الله=ثم الرجال اهل الأصول العريقه

عهدٍ علينا والعهد مانقضناه=دون الكرامه مانهاب الخليقه

من مسّ شبرٍ من وطنّا دمْرناه=ماهمّنا نبح العدو ونهيقه

ياموطن الأبطال والعز والجاه=ماظنّها تخفا عليك الحقيقه

على البلد كلّه من اقصاه لأدناه=كلمه نردّدها وصارت وثيقه :

كان الوطن بيديننا ماحميناه=مانستحق نعيش بأرضه دقيقه



[/poem]