السلام عليكم ورحمة الله وبركاته
اخترت لكم من قديمي هذه الابيات وعساء أن تحوز على استحسانكم

كل ليل اذا بغت تاخذ عيوني غطه=من لذيذ النوم جاها هاجسٍ يهجدها
ما تغمّض كن من بين المحاجر شطه=وكن وسط الجاش ضؤٍ يشتعل موقدها
في خلايا مخ راسي ذبذبة محطه=من عرب سات الفضائي يشتغل مرصدها
واصبح التفكير يرسم للمعالم خطه=كن صعبات المواقف حاضرٍ مشهدها
ما نفكّر في مقامٍ قيمته منحطّه=البلا من مبهماتٍ ما تحلّ اعقدها
الحياة ظروفها بين الرخاء والشطّه=والفلوس الها مبادي مير لا تعبدها
والجمل فوقه شل الحمل الثقيل وحطّه=كل ما تدبي بدربه دابيه يهبدها
دام سلات السيوف بغمدها منغطّه=ما يجي حسم المواقف غير من مجردها
هكذا واذا زماء خشم المعاند وطّه=وكان نفسك بذّتك بجهادها جاهدها
وان بلاك الله بغلطات الرفيق النطّه=عزّ نفسك عنه وارفع نظرتك وابعدها
ما يخلي منهجه لو كل يوم تفطّه=لن هاذي سهمته والعافيه يحسدها
زمّ راسه طيب ابوه اللي مطوّل خطّه=والولد قاطع طريق ورايحٍ مع يدها