اضحك معنا







((1))



مره رحنا السوق .. طول الطريق ما شوف شي



وقتها توى بديت اتغطى .. و الطرحة ثقيلة .. بعدي ما تعودت عليها





المهم



شفت السياره وقفت .. احسب انا وصلنا ..



وبسرعه فتحت الباب ابطلع .. الا وتمسكني يد ( وين رايحه ..؟)



تنبهت ولقيت سيارات خلق الله حولنا



اثر السياره واقفة عند إشاره المرور



طبعا انحرجت ولا ادري وين اودي وجهي ..لكن بكل جرأة قلت :



( ادري انّا عند الاشاره, بس قلت افتح الباب واقفله )





*

*







((2))





كانت عندنا مرايا كبيره عند مدخل البيت ..



اللي يدخل يلقاها قدامه



مرة من المرات زارتنا جدتي .. وهي نظرها ضعيف شوي ..



وقفنا نسلم عليها



وجدتي سلمت على اول وحده .. ثاني وحده ..



مدت يديها بتحضن الثالثه , وحصلت لها ( خبطه ) معتبره



صدمت في المرايا .. تحسبها حفيدتها ..







طبعا ردة الفعل معروفة ضحك وكركره لين دمعت عيونّا





*

*



كلمة حق





احتاج للضحك لعلي ادفن المتاعب خلف تلك الذكريات المليئة بالاحداث



تلك التي بت افتقدها .. واحنّ لها ..



ليتنا بقينا كما كنّا .. بسذاجتنا وربما غباءنا ..



قبل ان ترتكب فينا اوجاعنا جرائمها النكراء