..

البارحـه كنـي علـى العالـم غريـب
أزريـت أدوّر لـفراغـاتـي خــوي

الوقت موحش.! خصـاً بليـا صحيـب
كثـر المتاهـه والطريـق الملتـوي

يا ليل ما يشبهـك.؟ إلا أنيـاب ذيـب
قبل الغروب؟ أسمعّك يـا ذيـب تعـوي

أخاف من توّي على عمري ..وأشيـب
لكنّ إيماني قوي..! وأرجـع .. قـوي

هذي سواتي.! وأنت قلت : (أني بغيب)؟
أغيب.! عـن كـل الأوادم .. وأنطـوي

ما عاد أبسمـع مثلهـا .. ولا تجيـب
طاري الغياب.؟ ومـا يليـه ويحتـوي

أنا تعوّدتـك .. ولا غيـرك..! حبيـب
تدري؟ أنا اللي في عيونـك.. مهتـوي

ياللي وجودك؟ لا كبر جرحي!. طبيـب
وميرادي عيونك.! أخاطر .. وأرتـوي

أي والله أحبـك ولا بالحـب عـيـب.؟
عمر الغلا وأن طـال.؟ في قلب بـدوي

عليك؟ تسكت!. دام جمّعنـا ..النصيـب
وعلي؟ أبقـى وأكسـر .. ذراع اللـوّي

فلا تسويها .. وتقول .. (أني بغيـب)!
أغيب؟ عن كل الخلااايـق .. وأنطـوي

..