لكم :

يامسا الأشواق ياشعري الفريد
والمشاعر في كرمها حاتميه

ودي أوصف حس كل ماله يزيد
مير يبطي الحكي يوصف شي فيه

عل هذا الشعر يحكي ما أريد
يوم شدتني اللحون السامريه

مرحبا ياملهم احروف القصيد
وكل حرفن يكتبك يحمل مزيه

كيف عني رحت ؟ياأقرب بعيد
ابتعادك ياهو في حقي قويه

لاتعذر لي ولو عذرك شديد
كل حاجة بيدك وماهي بديه

ليتك الي عنده الراي السديد
والله انك ماتفارقني شويه

وليتك الي دلني غصن الجريد
لجل بعدك آتظلل تحت فيه

دام حبيتك قدم كل العبيد
ماعليك امن الملام وماعليه

مير هذا الحكي كله وش يفيد
وإنت لك نية وأنا لي غير نيه

الأمل يعاند الوقت العنيد
والدعاوي كلبوها منتهيه

وإنت في غربتك وإحساسك وحيد؟
ذوق ماذقته وقول الحق ليه

ما لحقني منك يالحس البليد
غير شعرن عزني وآنا بنيه

عل كل يومن بعد فرقاك عيد
بعد دست النار وادري النار حيه

معربة الجدين

\