[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

ياقافيه ، يابحر ، ياشعور ، ياصوره = ياليل ، ياحرب ، ياخفّاق ، ياجندي
ياعمْر ، ياشوق ، ياتاريخ ، يافوره = ياعطر ، يانور ، يامورود ، ياوردي
يادمع ، ياسمع ، ياشريان نافوره = ياتوت ، ياسكري ، يايوسف آفندي
انتم فريقين ، والخافق كما الكوره = وانا هنيّا تعبت اشجّع لوحدي
يالعّبوني عشان اصير فالصوره = ولاّ علي الغرام اشحّ في جَهدي
ابي قصيده تجيب القلب وشعوره = والشعر انا سيّد حروفه وهو عبدي
ان كان ماجاتني بالطيب مشكوره = اجيبها بالهجوس الطايله .. عندي
لي وقت والشعر مايبرك على زوره = لافاهمٍ قصده ، ولافاهمٍ قصدي
انا ربطته مخافة وصف غندوره = حلفت لا اجيبها وانا على وعدي
الفاتن اللي لها فالقلب مقصوره = واتهزّ رجلينها ويحكّني زندي
واشب ليل القصيد وراس تنّوره = تجتاح صدري وتغلبني على بردي
من غيرها حوّلت فالقلب من سوره = وازداد تهليلي وتكبيري وحمدي
ست الغنادير ، لاحصّه ولا نوره = اللي تسامت مدينتها على عهدي
ياقلبها اللي غدى للعطر قاروره = ياحبّها اللي ينافسني على مجدي
ياروحها اللي بريح الصبح وزهوره = ياطيبها اللي يداوي بالعطا كبدي
ياشَعرها اللي يغيض الليل بحضوره = ياوجهها اللي على وجه الضحى يمدي
ياعينها اللي برمش العين مستوره = ياكفّها اللي يشيل حجازي ونجدي
ياصدرها اللي يحفّزني لمحظوره = ياخصرها اللي يورّدني على وجدي
ياعودها اللي تمايل مثل باكوره = يااقدامها اللي على سطح الثرى تندي
بالمختصر كنّها فالعالم أسطوره = جادت عليّ بمطرها وانكشف رعدي
ومن لامني لامته بقعا على جوره = ماكلّ من لام ربّان البحر مقدي
ماجبت لي في حياة الناس منكوره = والعشق موجود من قبلي ومن بعدي
[/poem]


.

ask me