|
عطايا الله
السلام عليكم ورحمة الله وبركاته
وكل عام وأنتم بخير وبصحة وعافية
إليكم هذه القصيدة .. آمل أن تنال إعجابكم
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
البل عشقه للرجال المناعير=والبل ذكرها الله بمحكم كتابه
حق وحقيقه يالوجيه المسافير=البل لها قيمه وقدر ومهابه
يامن تعرف السير لاتعكس السير=البل من عصر النبي والصحابه
من دونها الارواح والا الدنانير=بالوقت هذا والسوال وجوابه
تبغي رجالٍ ماتهاب المخاسير=اقلوبهم درب الخطر ماتهابه
لا بكر الوسمي بوقت المخاضير=القفر يرعونه ولا احدٍ وطابه
ياالله من فضلك تلوح التباشير=عسى السحابه من وراها سحابه
الارض تصبح كاسيتها النواوير=كنه عليها الزل قامت تشابه
ياماحلا مع طلعت الشمس وعصير=ممشى الذرابه مع ارجال الذرابه
اتخدر اهموم المشقين تخدير=والقلب بالسجات ينسى عذابه
سوالف ارجال وقصيدٍ عن الطير=ترى المشبب مايضيع شبابه
وصفه ومعها بالبراهين تقرير=جو الطبيعه ينعش اللي مشابه
ولبن عطايا الله على اقل تقدير=مع القرى للضيف ترى الدوابه
لاقلّطو حليبها للمسايير=كن الرغا مزنٍ تعزّل ربابه
والله ياكبار الفوايد من الخير=كم من فقيرٍ كبر الله جنابه
بنى الفلل والغى جميع الفواتير=بسبابها على النقا والرحابه
نبذه وتكفى واليالي معاشير=والطيب لاهل الطيب مفتوح بابه
والشي بحدوده ولا فيه تبذير=والخاتمه كلٍ يحسب حسابه
[/poem]
ياكاسبٍ قولة نعم بين الموادع والقدوم=هذا هو المكسب ومبدا العلم تعرف سيمته
من صفحة الماضي تمر أسما علينا كل يوم=بالطيب عايش ذكرها والرجل يحفظ شيمته
كم واحدٍ يصير في منصب ولا يقضى اللزوم=اليا تقاعد تنتهي مع التقاعد قيمته
|