اخوانى واخواتى الاعزاء
السلام عليكم ورحمة الله وبركاته

كلفنى الشاعر الكبير/ ماطر بن سعيد الدلبحي العتيبي فى اضافة هذه القصيده رثاء ووفاء لصديق عمره الشيخ/ فهد بن مطر الحطيم البقمي غفر الله له واسكنه فسيح الجنان.


[poem=font="Simplified Arabic,4,black,normal,normal" bkcolor="white" bkimage="" border="outset,4,gray" type=0 line=0 align=center use=ex num="0,black""]
بذكر الله المعبود قول الشعر نبداه = عظيم الجلال مكون الكون نبدي به

انا مومن بالقدر واللي كتب نرضاه = اخذ ربي اغلى شي عندى وراضي به

ابصبر على ماصار لو الصبر مااقواه = صعيبه صعيبه موتت الغالي صعيبه

صديق العمر لو عشت طول الده ماانساه = حرام علي انساه لو طالت الغيبه

ابااعيش باقي العمر عايش على ذكراه = فقيد الرجال اهل الوفا بقوم وعتيبه

فقيد الرجال اهل الوفا اللي رفيع الجاه = من طيبه تقدره القبيله واجانيبه

يحل المشاكل كم من مشكل وانهاه = ليا قام فى موضوع يدرك مطاليبه

كريم اليمين اللي تحط الشحم يمناه = مع زين القبول اللي تسرك تراحيبه

يهلي بمن جاله ويفرح بمن ينصاه = ليا جاله اللافي يفز ويهلي به

من اللابه اللي كلهم فى الكرم حلياه = بقوم السعد والضيف توفي مواجيبه

دليله لعكفان الشوارب ماضل وتاه = يورد عدود دونها الخوف والهيبه

ليا قادها تسرى الدلايل على مسراه = يقطعهم الفرجه ودار عوى ذيبه

نواس الخلا اللي ياصل الصيد فى مرباه = بزين السلاح اللي عطيبه مضاريبه

لو ان البحر دونه ماهمه خطورة ماه = ماهاب البحر فى ظلمة الليل يسري به

يحفظ العيار ولو مازان له مرماه = سريع الولام ويرمي الصيد ويصيبه

يالو لحق عصر الجاهليه ياويل اعداه = كتب عنه والتاريخ والناس تحكي به

حكيم وشجيع والشجاعه من ورث اباه = يقود الجموع ويكسب الكسب ويجي به

الا واوجودي ياصديقي الا واجداه = اخوى الصحيح وسيفى اللي اماري به

اخذنا يجي عشرين عام وانا واياه = تقول انها يومين واقل من طيبه

وياكثر مافيه من الحزن من فرقاه = فراق على قلبي توقد لواهيبه

سكن فى سويدا القلب قبل القبر سكناه = قبل ماتجي بقعا مغيره وتقفي به

ليا جات المنيه مايفيد الطبيب اداوه = مافاد الدوا اللي كل مرضان يشفي به

حريصه على من تضحكه تستلذ ابكاه = ولا تستريح الا بتجويد اصاويبه

ولا باقي الا وجه ربي مايبقى سواه = سبحانك يارب الكون بمرك مايجري به

وبالصبر اوصي من يحبه وكل ابناه = على اقدار ربي والله الصبر يوصي به

ونطلب له الغفران من خالقه ورضاه = عدد من يحج البيت واللي يصلي به

عسى جنة الفردوس من خالقه ماواه = ومن سلسبيل انهار ربي مشاريبه

ولا اغفل عن اللي فيه قدم لي مواساه = له الشكر من قلبي ولطفه غمرنى به

ياكثر البشر عقبه وياقلهم قلاه = ياقل الصحيب اللي وفي مع اصحيبه

يصاحب لحاجه وان قضى حاجته خلاه = ماكنه يعرفه لو جزال مواهيبه

وختام الكلام لصاحب الرحمه المهداه = صلاة على الهادي ختامه وترتيبه
[/poem]