السلام عليكم ورحمة الله وبركاته..

بمناسبة عودة سمو ولي العهد الامير/ سلطان بن عبد العزيز سالما معافا الى ارض الوطن

جادت قريحتي بهذه الابيات ..

ارجو ان تنال على رضا القراء..

افرحي يا بلادنا يا اغلى بلاد = وسارعي للمجد معنا رددي
وارفعي الخفاق في كل المهاد = في سماك سهيل ساطع والجدي
وارفعي كفوفك مع كفوف العباد = واركعي لله شكراً واسجدي
عقب زال الشك بالعلم الوكاد = بهجة(ن) واجلال قومي واقعدي
هنئي شيخٍ على الامجاد ساد = بالسلامة هنئي لي سيدي
وانشري الافراح في كل الوهاد = جددي حبك لشيخك جددي
عاد سلطان الفخر والجود عاد = راعي الناموس والكف الندي
عاد سلطان المروة والرشاد = نحمد المعبود والعود احمدي
لابس من العافية ثياب(ن) جداد = بعد عافاه الاله الاوحدي
وعودته هي ثالث ايام العياد = الله الله يا بلادي عيدي
زاد شوق الشعب له والحب زاد = في قلوب الشعب والله يشهدي
كم وكم وكم للمحتاج جاد = وكم داوى من عليل ومقعدي
وكم صرح(ن) من عطاياه استفاد = وكم بنى بيتٍ وعمر مسجدي
وكم زعيم بحنكته نوه واشاد = وكم حكيم بحكمته يستشهدي
ويا يدا سلطان يا نعم الاياد = ليتها والله تصافحها يدي

وسلامتكم,,