كانـو ثلاثـه فالمحاصيـل اخشـرا
والسانيه تجذب محاميـل الغـروب
والبيت الابيض صـار للتاجـر ذرا
والربح بالـدولار واليـن محسـوب
مار المشاكل جات من نـاس فقـرا
وصارت قضيه كلها من شان ثـوب
شاع الخبر وسط المدينـه والقـرى
والشمس غابت وابتدى وقت الهروب
غرب المصالح طاح فالماء وانفـرا
وديس المنيحه صار فالوقت محلوب
وثر الذمـم بالمـال ممكـن تنشـرا
والغيب علمه عنـد عـلام الغيـوب
من يُنصّف المظلـوم ويـرد البـرا
ومن يرفع الريات ويعـز الشعـوب
يا متابع الاحداث قلـي وش جـرى
هات الخبر ماعنك مخلـوق ٍ ينـوب
شاعر ملكت الحرف تطرب من قرا
ولا انته على مجاراة قافي بمغصوب
الوقت طال وجرح قلبي مـا بـرى
عيت جبال الثلـج عيـت لا تـذوب
كم واحد ٍ فالوقـت غافـل مـا درا
ان الفتـن اسبابهـا كثـر الذنـوب
وصلى الله وسلم على خيـر الـورى
تعداد ما هبـت نسانيـس الهبـوب
ابو سلطان
صح لساااااااااااانك ولاهنت
ابدعت
|