بعد الغياب الطويل اتقدم لكم بجزيل العذر حيث اني كنت في مهمة لا تخفى على الجميع

وحبيت ان اطل عليكم بهذه القصيده



[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يامارد الشعر اطلق عنان القوافي للقصيد=خل الضوامي تطوي البيدا وتارد عدها
كم لي وانا من هاجس الافكار ماقلت الجديد=حتى لو ان النود نسنس صوب جاشي ندها
واليوم يوم العلم جا بين القريَب والبعيد=يمناي لامدت يمانينا ينومس مدها
والا انت ياللي شاعمً نارك وبيتك من جليد=هجماتنا يالخبل منت بمستطيع تصدها
وان كان لك شرهه تجي وتحط في زومان قيد=تخسى وتبطي ماتطاول روس منت بقدها
وان سولت لك نفسك انك راعي الراس العنيد= تقتل ورى حد الشريفه ماتدنس حدها
هذي بلادي دونها نبطش بكفً من حديد=من دونها نلطم طواغيت العدا ونضدها
من دونها الارواح والبارود والباس الشديد=والراجمات اللي شواهيق الجبال تهدها
من دونها حنا وحنا دونها جمرً وقيد=ياللي تبي رد العلوم اخذ العلوم وردها
حنا لها لا اكتضت الشريان من دم الوريد=حنا لها لا بينت مزح العلوم وجدها
حنا لها لامن غطا روس البعارين الزبيد=حنا لها لا صاحت العذرى وبين خدها
حنا حماة الدين حنا مجدنا مجدً تليد=حنا الرجال اللي تموت ولا تبيح سدها
الحي منا منتصر والميت باذن الله شهيد=مايخسر اللي في سبيل الله عيونه لدها
والكل منا في فدا دينه وداره مستفيد=اما نصر والا شهادة عز يوم نعدها[/poem]

al20al@hotmail.com