منتديات المرقاب الأدبية - عرض مشاركة واحدة

21-12-2009, 01:25 AM

[poem=font="Traditional Arabic,6,orange,bold,normal" bkcolor="transparent" bkimage="backgrounds/21.gif" border="inset,4,orange" type=1 line=1 align=center use=sp num="0,black""]
خذلك الصبْر..ولاّ يالمعنّا ما لصبرك دور=بعد خارت قواك..وصرت غصبٍ للحزن منقاد

غشاك اللي غشى قلب اليتيم ودمعك المنثور=على وجهك رسم صورة عذارىً في ثياب حداد

على فقد الكريم اللي بكسب الطايلة مذكور=تصبّر يالمعنّا..والسنين المقبلات شداد

رحل نبع المكارم والمفاخر جابر المكسور=رحيلٍ حط لأحزان المفارق فالصدور اوتاد!

بعد عانى من غياب الوعي حول الثلاث شهور=ثلاث شهور والموت المحتّم يرقب الميعاد

وقبل يلبس نهار العيد الاكبر حلّةٍ من نور=قضى نحبه..والا لا عاد عيدٍ غيّبه لا عاد

علية عيوننا فاضت..وهلّت دمعها المذخور=ليوم حلّ ميعاده..وزلّ وفطّر الاكباد

رحمك الله يابو تركي..واثابك نظرةٍ وسرور=نهار تعوّد ارواح البشر..وتعانق الاجساد

وعسى قسمك جنان الخلد..وقصورٍ تضم الحور=ليا كلٍ لقى قسمه..ووفّا وعده الجوّاد

وعلى روحك سلام الله..سلامٍ وافيٍ موفور=تناقلْه الهبوب اللي تسوق البارق الرعّاد

[/poem]