هذه المجروره عمرها لا يقل عن 100 سنه ومناسبتها حسب ماسمعت من كبار السن انه مستور كان في مغزى وكان احد مرافقيه يلحن ويحن على العوده وعندما سأله مستور عرف انه يحب ولا يتصور البعد عن محبوبته وخايف انه يقتل قبل لا يشوفها فجاءت كماهي:

قـال المغنـي وان بـدا فالنايفـات=في قنـة عديـت روس هضابهـا
وابدع لحـون كنهـا سكـر نبـات=مثل المعاسـل فـي علـو اوقابهـا
واخيـل اللـي مقفيـات ومقبـلات=والله عليـم بالنـفـوس ادرابـهـا
ترى الهوى يا اهل القلوب الفاهمات=عـدة معانـي مايعـد حسابـهـا
وترى الهوى اللي فالخشايب ناصفات=اللـي قطرهـا يقتـدي مضرابهـا
وترى الهوى اللي فالوسوط مصقلات=دون الدخيل اليا قضبـت انصابهـا
وترى الهوى نجر دلاله مكرمـات=علـى الوجيـه الباديـه يمشابـهـا
وترى الهوى اللي فالليال القاسيـات=اليـا لقـى شـاة المربـى جابهـا
وترى الهوى خضر الودايا الناعمات=اللـي تلامـس بالجريـد اشذابهـا
وترى الهوى اللي فالمباني ناصحات=اللـي عريـب ساسهـا وانسابهـا
وترى الهوى ذود وسومه لايحـات=ترعى الخرايـم خلفهـا واصعابهـا
وترى الهوى هجن تهايف منكفـات =تصبح بحـان الـدم فـوق ارقابهـا
وترى الهوى اللي في يداه اربع ميات=يـوم الثريـا لجلجـن اعشابـهـا
وترى الهوى اللي فالصروح الداجيات=يـوم الهبايـب ذعذعـت ملهابهـا
هذا الهوى ماهوب تبـع البايهـات=نثـارت الريحـان فـوق اسلابهـا
هذي فعول اهـل العلـوم الطيبـات=واللي يبـا باقـي العلـوم ادرابهـا


وسلامتكم

هذا حسابي في تويتر كامل
وعصفور حرفي باللحون يغرد

ويقدم من الشعر عرضِ شامل
وان فاح صدره باالقصايد برد

7
7

https://twitter.com/#!/otiby_m





abo-nayaaf@hotmail.com