جديد للتواصل وآمل أن تنال إعجابكم ...
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
يافكري اليا دق في الصدر هوجاس=لاعاد تترك في الشرايد شريده
جب مايداعب هاجس الناس بإحساس=وحاول تميّز لك بفكره فريده
خابرْك ماتبلش ولايلحقك يآس=واطوّع جزال البيوت العنيده
عامين وعروق الطواريق يبّاس=مابلّهن غيث الطروق الجديده
وسحابة المعنى بعد هبّ نسناس=تبرق وترعد بالمزون المديده
حتى ارتوت منها الفيافي والأطعاس=وقطفت منها مفردات النشيده
ماكل طيرٍ يبعد الحوم > قرناس=ولا كل قنّاصٍ ظفر له > بصيده
وعلم الحيا ماهوب مع كل > عسّاس=ولا كل الأريا في المواقف > سديده
وماكل بحّار على الموج > غطّاس=ولا كل طيّب جد يطلع > وليده
كم واحدٍ مافاد لو هو ولد ساس=وعروق ساسه في المراجل جويده
مثل الغصن لاهبّه الريح ميّاس=ومع كل هبّة ريح تومي جريده
لاباس ياصدري من الضيق لاباس=الصبر مفتاح الحياه السعيده
لولا الحزن والهم والضيق والباس=ماللفرح حصّلت فرصه جديده
ياسامعي خذها من الراس للراس=بيتين تغني عن كتابة قصيده :
بنك المراجل غير عن بنك الإفلاس=ودنياك لو طالت تراها زهيده
ومن حبّه الله سخّر لحبّه الناس=والناس شهّاد الولي في عبيده
[/poem]